Bandaríkin tilkynna um „strangar“ viðskiptaþvinganir
Setja bókamerki
Bandaríkin hafa tilkynnt um „strangar“ nýjar viðskiptaþvinganir gegn rússneskum embættismönnum og varnarmálaiðnaðinum í Rússlandi í kjölfar yfirlýsingar Vladimírs Pútíns, forseta Rússlands, um að fjögur héruð Úkraínu væru nú orðin hluti af Rússlandi.
„Bandaríkin leggja fram skjótan og alvarlegan kostnað á Rússland,“ segir í tilkynningu frá Hvíta húsinu. Þar segir einnig að G7 ríkin muni leggja sambærilegan „kostnað“ á þau lönd sem styðja tilraunir Rússa til að innlima héruðin fjögur.
Fordæmir „sviksamlegar“ tilraunir Rússlands
Joe Biden Bandaríkjaforseti hefur fordæmt „sviksamlega“ yfirlýsingu Pútíns og segir hann brjóta alþjóðalög.
„Bandaríkin fordæma sviksamlegar tilraunir Rússlands í dag til að innlima fullvalda landsvæði Úkraínu. Rússar brjóta með þessu alþjóðalög, traðka á stofnskrá Sameinuðu þjóðanna, og sýna fyrirlitningu sína á friðsamlegum þjóðum alls staðar,“ sagði Biden í tilkynningu.
„Bandaríkin munu alltaf virða alþjóðlega viðurkennd landamæri Úkraínu. Við höldum áfram að styðja Úkraínu í því að ná aftur landsvæðum sínum með því að styrkja landið hernaðarlega og diplómatískt.“
Ákærður fyrir stunguárás á menningarnótt
Fæðuöryggi: „Áttum mat í þrjár vikur“
Falskur fyrirvari á auglýsingum Höllu
Sendi nektarmyndir af dreng sem hann passaði
Hvatti kjósendur til þess að greiða ógild atkvæði
Auka aðgengi að Grindavík
Börnin eiga að ýta við foreldrum sínum
Unnið að hraunkælingu allan sólarhringinn