Að minnsta kosti 23 létust og 28 særðust þegar rússneskir hermenn skutu á bílalest sem var að flytja almenna borgara í mannúðlegum tilgangi í Sa­porisjía í suðurhluta Úkraínu.

Þetta staðfesti Oleksandr Starúk, sem fer fyrir úkraínska hernum í héraðinu.

„Í augnablikinu vitum við um 23 látna og 28 særða. Allt almennir borgar, heimamenn. Brennið í helvíti, helvítis Rússar,“ skrifaði Starúk á samskiptamiðlinum Telegram.

Rússar kenna Úkraínumönnum um

Fulltrúi Kremlar í Sa­porisjía sagði úkraínska hermenn en ekki rússneska standa að baki árásinni. 

„Ríkisstjórnin í Kænugarði er að reyna að lýsa því sem gerðist sem skotárás rússneskra hermanna og grípa til svívirðilegrar ögrunar“ sagði Vladimír Rogóv á Telegram.

„Úkraínskir bardagamenn frömdu enn eitt hryðjuverkið,“ bætti hann við.

Tengdar fréttir

Úkraína

Rússar og Úkraínumenn skiptast á hundruðum stríðsfanga

• Engin skemmdarverk voru unnin á sæstrengnum
• Úkraínskir hermenn teknir af lífi
• Norðurkóreskir hermenn kallaðir til baka frá víglínunni
• Mögulegar samningaviðræður en ekki við Selenskí

» Fleiri tengdar fréttir

• Blogga um frétt