Búist við lífshættulegum aðstæðum í Suður-Karólínu

Um 1,9 milljónir manna eru rafmagnslausar í Flórída eftir að fellibylurinn Ian gekk á land. Ron DeSantis, ríkisstjóri Flórída, greinir frá þessu.

Hardee-sýsla í miðhluta Flórída fór einna verst út úr fellibylnum en 99 prósent íbúa þar eru án rafmagns. Rafmagni hefur verið komið aftur á í 15 prósent húsa í Lee- og Charlotte-sýslum, þar sem Ian sló út allt rafmagn. 80 prósent af DeSoto-sýslu eru einnig rafmagnslaus.

DeSantis segir einnig að Lee-sýsla sé með öllu án vatns eftir að stormurinn olli skemmdum á vatnslögnum.

Búist er við lífshættulegum aðstæðum í Suður-Karólínu-ríki en greint var frá því í dag að fellibylurinn væri á leið þangað. 

Í umfjöllun fréttastofu ABC kemur fram að minnsta kosti 21 manns hafa látið lífið í fellibylnum það sem af er.

Frétt af mbl.is

Fellibylurinn nálgast Suður-Karólínu

• Blogga um frétt