Varnarmálaráðuneyti Úkraínu segir að hersveitir landsins séu komnar inn fyrir bæjarmörk Líman í Dónetsk-héraðinu í austurhluta Úkraínu. Bærinn hefur verið á valdi Rússa frá því í maí, eða skömmu eftir að stríðið hófst í febrúar.

Fyrr í dag var greint frá því að úkraínski herinn væri búinn að umkringja þúsundir rússneskra hermanna í Líman.

Samkvæmt upplýsingum frá varnarmálaráðuneyti Rússlands hafa rússneskir hermenn hörfað burt.

Frétt af mbl.is

Segir Vesturveldin vilja gera Rússland að nýlendu

„Við erum komnir inn í Líman, en það eru bardagar,“ sagði Serhí Tj­erevatí, talsmaður úkraínsku her­sveit­anna í aust­ur­hluta lands­ins.

Á myndskeiði sem hefur verið birt á Twitter sjást tveir úkraínskir hermenn líma fána Úkraínu við skilti við bæjarmörk Líman sem býður fólk velkomið.

Frétt af mbl.is

Segjast hafa umkringt þúsundir rússneskra hermanna

Vladimír Pútín Rússlandsforseti undirritaði í gær innlimun Dónetsk-héraðsins í Rússland. Alþjóðasamfélagið hefur fordæmt innlimunina og sagt hana ólöglega. Ef Úkraínumenn ná Líman undan valdi Rússa yrði það mikið högg fyrir stríðsrekstur Pútíns.

Tengdar fréttir

Úkraína

25 hið minnsta særðir eftir árás á íbúðablokk

• Úkraína geti tapað stríðinu með skyndilausnum
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð

» Fleiri tengdar fréttir

• Blogga um frétt