Pútín undirritar lög um innlimun
Setja bókamerki
Vladimír Pútín Rússlandsforseti hefur undirritað löggjöf um innlimun fjögurra úkraínskra héraða í Rússland, að því er kemur fram í skjölum sem birt hafa verið af rússnesku ríkisstjórninni.
Héruðin Dónetsk, Lúgansk, Kerson og Sapírísía eru „viðurkennd sem hluti af Rússlandi í samræmi við rússnesku stjórnarskrána,“ segir í skjölunum.
Lögin voru undirrituð á sama tíma og úkraínskar hersveitir hafa sótt hart fram í Kerson, í suðurhluta Úkraínu, og hafa rússneskar hersveitir þurft að hörfa þaðan í auknum mæli, að sögn BBC.
Eitt þeirra þorpa sem úkraínskar hersveitir hafa endurheimt er þorpið Davydiv Brid, sem er hernaðarlega mikilvægt.
Rússar hafa þegar þurft að hörfa í norðausturhluta Úkraínu.
Innlimun héraðanna fjögurra er ólögleg samkvæmt alþjóðalögum og Volodimír Selenskí Úkraínuforseti hefur lýst því yfir að hún hafi ekkert gildi.
Stýrivextir lækkaðir um 0,5 prósentustig
„Það er viðbúnaður alls staðar“
Tveir enn á gjörgæslu eftir skotárásina
/frimg/1/54/68/1546876.jpg)
Rauðar viðvaranir gefnar út
Þrjár vélar Play á áætlun frá Kanaríeyjum
Engin útköll en allir á verði
„Stendur ekkert til að létta þessu taumhaldi“
Fúnu fjalirnar og leikreglurnar