Segir Úkraínumenn hafa endurheimt svæði í Lúhansk
Setja bókamerki
Úkraínumönnum hefur nú tekist að endurheimta svæði í Lúhansk-héraðinu úr klóm rússneska hersins, að sögn Sergí Gajdei héraðsstjóra Lúhansk. Segir hann úkraínska fánann þegar hafa verið reistan á nokkrum svæðum, en héraðið var áður alfarið undir stjórn Rússa í stríðinu.
Lúhansk er eitt þeirra fjögurra héraða sem Vladimír Pútín Rússlandsforseti telur sig hafa innlimað í Rússland í síðustu viku. Stjórnvöld í Evrópu og víðar hafa fordæmt innlimunina og sagt hana ólögmæta.
Mikill kraftur hefur verið í gagnsókn Úkraínumanna undanfarna daga. Yfir helgina náðu Úkraínumenn að endurheimta bæinn Líman í Dónetsk-héraði, sem hafði einnig verið „innlimað“ í Rússland.
Af-hervæðing formlega hafin
Svo virðist sem gagnsóknin sé einnig að bera árangur víðar í Úkraínu um þessar mundir en samkvæmt héraðsstjóra Lúhansk er búið að endurheimta svæði í því héraði.
„Af-hervæðing Lúhansk-héraðs er þegar formlega hafin. Nokkrar byggðir hafa þegar verið frelsaðar undan rússneska hernum og fáni Úkraínu hefur verið reistur þar af hersveitum Úkraínu,“ skrifaði Sergí Gaídei á Telegram.
Árangur Úkraínumanna í stríðinu á síðustu dögum er mikið högg fyrir Rússa, sér í lagi vegna árangursins í héruðunum sem þeir telja sig nýlega hafa innlimað.
Dmitrí Peskov, talsmaður Kremlar, hét því fyrr í dag að stjórnvöld í Rússlandi myndu vinna aftur þau landsvæði sem Úkraínumenn hafa endurheimt, og tilheyra héruðunum sem Rússlandsforseti hefur innlimað.
Ábatinn gæti verið meiri en áhættan
Umboðsmaður vill upplýsingar um dagskrá Höllu
Landsréttur staðfestir dóm yfir Kourani
Nýjar myndir sýna tjónið sem blasir við
Eiga að loka flugbrautinni fyrir laugardag
„Ljósið lifir“
Stórbætt eftirlit með nýjum ratsjám
Of mikil einföldun að skella skuldinni á geðrof