Kaupa lyf gegn geislunarskaða fyrir 41 milljarð
Setja bókamerki
Bandarísk stjórnvöld hafa fest kaup á 290 milljóna dala birgðum af blóðfrumulyfinu Nplate, en kaupverðið samsvarar 41,6 milljörðum íslenskra króna. Er þar um að ræða lyf sem vinnur gegn frumuskaða í kjölfar geislunar, svo sem vegna kjarnorkuslysa eða -árása. Kaupin voru gerð fyrr í vikunni.
Kveða stjórnvöld kaupin hluta af langtímaáætlun um viðbrögð við hugsanlegu heilsutjóni vegna ógnar við þjóðaröryggi.
Hvers kyns hremmingar
Svaraði fulltrúi ráðuneytis heilbrigðis- og almannaþjónustumála fyrirspurn, um hvort þarna væri horft til viðsjáa milli Bandaríkjanna og Rússlands í kjölfar innrásar í Úkraínu, á þá leið að lyfjakaupin væru liður í aðgerðum sem ætlað væri að búa land og þjóð undir hvers kyns hremmingar, hvort sem væri af völdum efna-, lífvísinda-, geislunar- eða smittengdra sjúkdóma.
Styður ráðuneytið þróun á vettvangi sjúkdómsgreinina, bólusetninga og meðferða sem ætlað er að beita gegn heilsuháska vegna utanaðkomandi ógna og hefur til þess aðgang að sjóðum sem kveðið er á um í lögum frá 2004, Project Bioshield Act.
Skili þróunarvinnan árangri nýtir ráðuneytið fé úr sjóðunum til þess að kaupa þá afurð sem þar verður til.
Ekkert ferðaveður á Vestfjörðum og á Norðurlandi
Konur og börn „næstum 70%“ látinna á Gasa
Fimm á sjúkrahús og 62 handteknir í Amsterdam
„Áhugavert að sjá skjálfta þarna“
Oddvitaviðtöl í Reykjavík suður
Einn á slysadeild eftir hópslagsmál
Óformlegt eftirlit vegna hryðjuverka
Þungt hugsi yfir ofbeldinu