Hafa endurheimt fimm svæði í Kerson
Setja bókamerki
Úkraínumenn segjast hafa endurheimt fimm byggðir í héraðinu Kerson í suðurhluta Úkraínu. Gagnsókn úkraínskra hersveita hefur haldið áfram þrátt fyrir umfangsmiklar flugskeytaárásir á landið fyrr í vikunni.
Fram kemur í tilkynningu frá úkraínska forsetaembættinu að stórskotaárásir Rússa haldi áfram af fullum krafti á úkraínsku hersveitirnar í von um að stöðva gagnsóknina, sem hófst í suðri seint í ágúst.
Eftir að hafa náð næstum því fullri stjórn á héraðinu Karkív í norðausturhluta Úkraínu hafa úkraínskar hersveitir endurheimt sífellt stærra landsvæði í austri og suðri.
Á fimmtudaginn sögðust Úkraínumenn hafa endurheimt rúmlega 400 ferkílómetra svæði í Kerson á innan við viku. Áður höfðu rússnesk stjórnvöld lýst því yfir að þau hefðu innlimað héraðið.
Hlunnindin þarf að skoða betur
Kosningarnar standa
Segir borgaryfirvöld hunsa íbúa
Veitingamaður: Bíða niðurstöðu úr sýnum
Fimm Íslendingar á brottvísunarlista
Djúpfalsanir búa til nýjar hættur
Upplýsti ekki um veikindin