Bandaríski auðkýfingurinn Elon Musk hefur vísað á bug fregnum um að hann hafi rætt við Vladimír Pútín Rússlandsforseta áður en hann birti skoðanakönnun á Twitter með ráðleggingum sínum um leiðir til að binda enda á stríðið í Úkraínu.

Ian Bremmer, forstjóri Eurasia Group, hélt því fram að Musk hafi sagt honum frá samtalinu við Pútín.

Musk segir að það sé ekki rétt, að því er BBC greinir frá. 

„Ég hef aðeins einu sinni talað við Pútín og það var fyrir 18 mánuðum síðan. Umfjöllunarefnið var geimurinn,“ tísti Musk.

Fyrr í mánuðinum lenti Musk í deilum við úkraínska embættismenn á Twitter, þar á meðal Volodímír Selenskí Úkraínuforseta, vegna hugmynda Musk um leiðir til að binda enda á stríðsátökin.

Frétt af mbl.is

Musk og Selenskí deila á Twitter um friðaráætlun

Tengdar fréttir

Úkraína

Börn í Úkraínu fengu gjafir frá Íslandi

• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi
• Norðurkóreskir hermenn kallaðir til baka frá víglínunni

» Fleiri tengdar fréttir

• Blogga um frétt