Kristersson kjörinn forsætisráðherra

Ulf Kristersson, formaður íhaldsflokksins Moderatarna, var kjörinn forsætisráðherra Svíþjóðar með naumum meirihluta á sænska þinginu í dag.

Frétt af mbl.is

Nýr stjórnarsáttmáli kynntur í Svíþjóð

Kristersson verður þar með leiðtogi fyrstu ríkisstjórnar landsins sem verður í slagtogi með öfgaflokki þjóðernissinna, Svíþjóðardemókrötum.

Frétt af mbl.is

Svíþjóðardemókratar sagðir sigurvegarar

Kristersson, sem er 58 ára, vann atkvæðagreiðsluna á þinginu með þriggja atkvæða mun eftir að hafa á föstudaginn tilkynnt um samstarf hægriblokkarinnar Moderatarna, Kristilegra demókrata og Frjálslynda flokksins. Á þingi mun ríkisstjórnin njóta stuðnings Svíþjóðardemókrata, sem eru andsnúnir innflytjendum.

Frétt af mbl.is

Svíar ætla að byggja nýja kjarnaofna

„Ég er þakklátur og ánægður með traustið sem ég hef fengið frá þinginu og einnig þó nokkuð auðmjúkur vegna verkefnanna sem eru framundan,“ sagði Kristersson á blaðamannafundi.

Búist er við að hann kynni hverjir skipa nýju ríkisstjórnina á morgun.

• Blogga um frétt