Loftárásirnar muni ekki brjóta Úkraínumenn

Volodimír Selenskí, forseti Úkraínu, segir að loftárásir Rússa muni ekki brjóta úkraínsku þjóðina.

„Alla nótt og allan morgun hafa óvinirnir hrellt almenna borgara. Kamikaze-drónar og flugskeyti ráðast á alla Úkraínu. Óvinurinn getur ráðist á borgir okkar en hann mun ekki brjóta okkur,“ sagði forsetinn.

Frétt af mbl.is

Drónaárásir á Kænugarð í morgun

Eyðileggjast eftir árásina

Flug­skeyta­árás­ir voru gerðar á marg­ar borg­ir í Úkraínu í síðustu viku, þar á meðal höfuðborgina. 

Þá heyrðust sprengingar í miðborg Kænugarðs, höfuðborg Úkraínu, í morgun en samkvæmt upplýsingum frá úkraínskum yfirvöldum höfðu Rússar sent svokallaða Kamikaze-dróna til höfuðborgarinnar.

Sjúkraliðar eru á vettvangi. AFP/Sergei Supinskí

Kamikaze-drónarnir eru einnota fyrirbæri sem eyðileggjast eftir að hafa gert árás á skotmarkið. Þeir draga nafn sitt af sjálfsvígssveitum japanska hersins í seinni heimsstyrjöldinni en Kamikaze-flugmenn fórnuðu sér með því að fljúga á skotmörk andstæðinga sinna.

Tveir fastir undir byggingu

Vítalí Klit­skó, borg­ar­stjóri Kænug­arðs, seg­ir árás­irn­ar í morgun hafa valdið elds­voða og skemmt bygg­ing­ar í hverfi miðsvæðis í borg­inni. Hvatti hann íbúa til að leita skjóls.

Þá séu tveir íbúar fastir undir rústum byggingar.

• Blogga um frétt