Minnst sex látnir eftir árásirnar í morgun
Setja bókamerki
Að minnsta kosti sex létu lífið í loftárásum Rússa á Kænugarð og á austurhluta Súmí-héraðs í Úkraínu í morgun, samkvæmt upplýsingum frá yfirvöldum þar í landi.
Tugir Kamikaze-dróna voru sendir á Kænugarð en hluti þeirra var skotinn niður áður en hann komst að skotmarkinu. Þá hæfðu flugskeyti borgaraleg skotmörk í Súmí.
Minnst þrír létust í árásunum á Kænugarð þar sem drónarnir ollu miklum skemmdum í íbúðahverfi í miðborginni. Búið er að bjarga nítján einstaklingum úr rústum bygginga og eru björgunarstörf enn í gangi, að sögn Kírílo Tímosjenkó, talsmanni forsetaembættisins.
Þrjú flugskeyti hæfðu innviði
Dmítró Tsjivitskí, héraðsstjóri Súmí-héraðs, sagði minnst þrjá hafa látist í árásinni í morgun og að enn væri fólk fast undir rústum bygginga.
„Klukkan 5.20 í morgun hæfðu þrjú flugskeyti borgaralega innviði. Að minnsta kosti þrír eru látnir. Níu eru særðir,“ skrifaði Tsjivitskí á samfélagsmiðlum.
Mjög dýrt að tryggja landamærin
Hálfgerð martröð fyrir kosningastjóra
110 milljónir í stöðu prófessors
Síminn stoppar ekki hjá Árekstur.is
Viðreisn gæti valið stjórn
Fresta framkvæmdum við Landspítala
„Mjög bagalegt“ að klára ekki málið
Frestar skerðingum fyrir norðan og austan
