Rafmagnsleysi er víða í Úkraínu vegna flugskeyta- og drónaárása í morgun og í gær, á orkuinnviði í landinu.

Kíríló Tímósjenskó, talsmaður úkraínska forsetaembættisins, sagði í morgun að flugskeytaárás hefði verið gerð á orkuinnviði í Kænugarði, höfuðborg Úkraínu.

Vítalí Klítskó, borgarstjóri Kænugarðs, sagði að tilkynningar hefðu borist um sprengingar í Desníanskí-hverfi borgarinnar í norðausturhlutanum. Sagði hann að árás hefði verið gerð á mikilvæga innviði.

Frétt af mbl.is

Flugskeytaárás á orkuinnviði í morgun

Íbúar án vatns og rafmagns

Tvö flugskeyti hæfðu orkuinnviði í miðborg Dnípró, fjórðu stærstu borg Úkraínu, sem ollu alvarlegum skemmdum. Fór rafmagnið af nokkrum hverfum borgarinnar í kjölfarið.

Þá voru einnig gerðar árásir á orkuinnviði í borginni Tsjítomír, vestur af Kænugarði. Eru íbúar þar án vatns og rafmagns.

Í Karkív, sem er önnur stærsta borg Úkraínu, voru árásir gerðar á iðnaðarhverfi. „Á fimm mínútum var um að ræða tvær raðir sprenginga í borginni,“ sagði Ígor Terekov, borgarstjóri Karkív.

Tengdar fréttir

Úkraína

Börn í Úkraínu fengu gjafir frá Íslandi

• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi
• Norðurkóreskir hermenn kallaðir til baka frá víglínunni

» Fleiri tengdar fréttir

• Blogga um frétt