Þingmaður segir af sér vegna kynferðisbrots

Breskur þingmaður úr Verkamannaflokknum hefur sagt af sér embætti eftir að sjálfstæð nefnd komst að þeirri niðurstöðu að hann hafi hegðað sér á óæskilegan hátt gagnvart konu í starfsliði hans.

Chris Matheson hafði áður viðurkennt „minniháttar brot“ gagnvart konunni.

Í niðurstöðu nefndarinnar kom fram að Matheson hafi haft uppi „óvelkomna kynferðislega tilburði“ gagnvart ungu konunni, sem var undirmaður hans í starfsliðinu.

Á meðal brota hans voru að bjóða henni í einkaferð til Gíbraltar með „kynferðislegu undirlagi“ og tilraun til að kyssa hana eftir kvöldverð sem tengdist vinnunni.

• Blogga um frétt