„Skítugasti maður heims“ er látinn

Íranskur maður sem fékk viðurnefnið „skítugasti maður heims” vegna þess að hann hafði ekki farið í sturtu í áratugi, er látinn, 94 ára gamall.

Amou Haji, sem þreif sig ekki í rúma hálfa öld og var jafnframt einhleypur, lést á sunnudaginn í þorpinu Dejgah í héraðinu Fars í suðurhluta Írans.

Amou Haji liggur á jörðinni í þorpinu Dejgah. AFP

Haji forðaðist að fara í sturtu af ótta um að „verða veikur”, hafði fréttastofan IRNA eftir honum.

En „í fyrsta sinn fyrir nokkrum mánuðum síðan fóru þorpsbúar með hann á baðherbergi til að hann gæti þvegið sér”, bætti IRNA við.

Stutt heimildarmynd, The Strange Life of Amou Haji, var gerð um lífshlaup hans árið 2013.

AFP

• Blogga um frétt