Úkraína fagnar endurheimt Kerson
Setja bókamerki
Úkraínumenn fögnuðu brotthvarfi Rússahers úr borginni Kerson í dag. Úkraínsk yfirvöld eru nú í óða önn að sprengjuhreinsa borgina, skrásetja glæpi Rússa og koma dreifikerfi raforku í lag.
Kerson var ein þeirra fjögurra borga sem Vladimir Pútín, Rússlandsforseti, sagðist vera búin að innlima í rússneska ríkið í september. Brotthvarf hersveita Rússa þykir því merki um öfluga viðspyrnu Úkraínu gegn innrásinni.
Allt á réttri leið
Í hinu nýfrjálsa þorpi Pravdyne, rétt fyrir utan Kerson, fögnuðu bæjarbúar brotthvarfi hersveitanna dátt og svo mjög að sumir felldu tár.
„Guði sé lof, við erum frjáls og núna mun allt fara aftur í réttan farveg,“ sagði bæjarbúi við fréttamann AFP í dag.
Dansað við varðeld
Þá birti úkraínski herinn myndir af Úkraínumönnum dansandi í kringum varðeld, syngjandi þjóðlög.
Volodimír Selenskí, forseti Úkraínu sagði alla þjóðina vera sigurglaða í færslu á Twitter eftir að hafa lýst því yfir að borgin væri laus úr fjötrum Rússa.
„Áður en Rússar flúðu frá Kerson eyðilögðu þeir alla mikilvæga innviði... fjarskiptabúnað, vatnsveitu, hitaveitu, rafmagn,“ er haft eftir Selenskí í frétt AFP.
Óvissustigi á Vestfjörðum aflýst
Greiningarmiðstöð hluti af 13 landamæraaðgerðum
Ingibjörg skiptir um skoðun á ummælum Þórðar
Frestar skerðingum fyrir norðan og austan
Unnu eftir kröfugerð sem lögð var fram í upphafi
Síminn stoppar ekki hjá Árekstur.is
Viðreisn gæti valið stjórn
Mjög dýrt að tryggja landamærin
