Tvær íbúðabyggingar í Kænugarði, höfuðborg Úkraínu, urðu fyrir flugskeytum í dag, að sögn borgarstjórans Vítalí Klitsjkó.

Áður höfðu fregnir borist af því að loftvarnaflautur hefðu ómað víðs vegar um Úkraínu.

„Gerð var árás á höfuðborgina. Samkvæmt fyrstu upplýsingum var skotið á tvær íbúðabyggingar í hverfinu Petsjersk. Þó nokkur flugskeyti voru skotin niður yfir Kænugarði af loftvarnakerfum. Viðbragðsaðilar eru á staðnum þar sem árásirnar voru gerðar. Fleiri fregnir síðar,“ sagði Klitsjkó í yfirlýsingu á samfélagsmiðlum.

Úkraínsk stjórnvöld segja Rússa hafa staðið á bak við árásirnar. 

Fólk hefur verið hvatt til að leita skjóls í loftvarnabyrgjum.

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• Blogga um frétt