Frambjóðandi Trump í Arizona tapaði
Setja bókamerki
Demókratinn Katie Hobbs lagði Repúblíkanann Kari Lake í slagnum um ríkisstjórastólinn í Arizona. Þetta hefur bandaríska fréttastofan CBS staðfest.
Niðurstaðan er talin áfellisdómur á málflutning Lake, sem hefur haldið á lofti samsæriskenningum Trumps um víðtækt kosningasvindl í forsetakosningunum árið 2020, þar sem hann tapaði fyrir Joe Biden.
Þá hafði Donald Trump lýst yfir stuðningi við Lake.
Í sigurræðu sinni sagði Hobbs að „á þessum tímum sundrungar“ myndi hún leggja sig fram við að starfa fyrir alla íbúa ríkisins.
Lake hefur gefið í skyn að hún telji niðurstöður kosninganna ekki réttar þar sem að einhver atkvæði greidd henni hafi ekki verið talin.
Enn hefur ekki skýrst hvernig lokaniðurstöður í fulltrúadeild bandaríska þingsins munu líta út viku eftir að kosningarnar fóru fram.
Repúblíkanar þurfa 218 þingsæti til að ná fram meirihluta í fulltrúadeildinni en líkurnar á því eru taldar hafa minnkað verulega. Flokkurinn hefur þegar tryggt sér 215 sæti og Demókratar 211.
Nýtt fangelsi í landi Stóra-Hrauns tilbúið 2028
Hentugt gos fyrst gýs á annað borð
Litlar líkur á að hraunið nái til mannvirkja
Reiðubúin að aflýsa verkföllum í fjórum leikskólum
Hópur fólks reyndi að komast að eldgosinu
Fullvissa ferðamenn um að hér sé öruggt
„Höfum sloppið bærilega með skaða af þessu gosi“