Bandarískur embættismaður hefur staðfest fregnir um að rússneskar eldflaugar hafi orðið  tveimur að bana í Póllandi, skammt frá landamærum Úkraínu.

Umfangsmiklar eldflaugaárásir Rússa hafa herjað víða á nágrannaríkið Úkraínu í dag. 

Pólland hefur ekki átt beinan þátt í stríðinu til þessa, en landið er aðili að Atlantshafsbandalaginu (NATO).

Áríðandi fundur þjóðaröryggisnefndar

Fyrr í kvöld greindi mbl.is frá því að Mateusz Morawiecki, forsætisráðherra Póllands, hefði boðað þjóðaröryggis- og varnarmálanefnd landsins til áríðandi fundar, en talsmaður ríkisstjórnarinnar, Piotr Müller, hafði tilkynnt um fundinn.

Müller nefndi ekki ástæðu fyrir þessu brýna fundarboði. Óstaðfestar fregnir hermdu þó að ein eða jafnvel tvær eldflaugar hefðu farið inn fyrir landamæri Póllands og orðið þar tveimur að bana.

Nú hefur það fengist staðfest, eins og áður sagði, samkvæmt heimildarmanni AP innan bandaríska stjórnkerfisins.

Nefndinni, sem saman stendur af ráðherrum varnarmála og dómsmála, auk innanríkis- og utanríkisráðherranna, er ætlað að undirbúa og samhæfa ákvarðanir sem tengjast þjóðaröryggi og varnarmálum Póllands.

Frétt af mbl.is

Um 100 flugskeytum skotið að Úkraínu

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• 4 blogg um fréttina

Bloggað um fréttina

• Torfi Kristján Stefánsson: Tylliástæða til að taka fullan þátt í Úkraínustíðinu?
• Guðjón E. Hreinberg: Úkraínuflaugar
• Ómar Ragnarsson: Nýtt alþjóðaorð: "Przewodu"
• Geir Ágústsson: Fyrst sprengja þeir eigin rör, núna skjóta þeir út í …