Pelosi lætur af embætti forseta fulltrúadeildarinnar
Setja bókamerki
Nancy Pelosi, forseti fulltrúadeildar Bandaríkjaþings, hefur ákveðið að láta af embætti sem forseti deildarinnar er Repúblikanaflokkurinn tekur við völdum og verður í meirihluta í janúar.
„Ég mun ekki sækjast eftir því að leiða demókrata er nýtt þing hefst,“ sagði Pelosi, sem er 82 ára gömul, í þinginu í dag.
„Tíminn er kominn fyrir nýja kynslóð til þess að leiða flokkinn,“ sagði hún en hún ætlar að sitja áfram á þingi þó hún muni ekki gegna embætti forseta lengur.
Í dag varð það ljóst að Repúblikanaflokkurinn er með meirihluta í fulltrúadeildinni næstu tvö árin, með að minnsta kosti 218 þingmenn. Líklegt þykir að leiðtogi flokksins á þinginu, Kevin McCarthy, verði næsti forseti fulltrúadeildarinnar.
Pelosi hefur setið á þingi frá árinu 1987 en hún greindi frá því eftir þingkosningarnar í mánuðinum að árásin á eiginmann hennar, Paul Pelosi, myndi hafa áhrif á áframhaldandi þingsetu hennar.
39 létust í flugslysi
Var að slitna frá bryggju sökum hvassviðris
Ekkert ferðaveður og vegalokanir á jóladag
Þungt ástand í margar vikur vegna RS-veiru
Björgunarsveitir kallaðar út í nótt
Strandveiðar í forgangi
Ríkisstjórnin ekki beint á leiðinni í jólafrí
Ofmeta sparnað í stjórnarráðinu