Þrír sakfelldir fyrir að granda MH17
Setja bókamerki
Tveir Rússar og Úkraínumaður voru í dag dæmdir í lífstíðarfangelsi fyrir að hafa grandað farþegaflugvélinni MH17 yfir Úkraínu árið 2014, með þeim afleiðingum að allir 298 um borð létu lífið.
Mennirnir hafa ekki verið handteknir og voru ekki viðstaddir þegar dómurinn var kveðinn upp. Þykir afar ólíklegt að þeir muni sitja inni fyrir glæpinn.
Aðalmeðferð í málinu hefur farið fram í Hollandi en vélin, sem var á vegum Malaysia Airlines, var á leið frá Schipol-flugvelli í Amsterdam til Kúala Lúmpúr í Malasíu þegar hún fórst. Tveir þriðju hinna látnu voru Hollendingar.
Fjórir hafa legið undir grun, Rússarnir Igor Girkin, Sergey Dubinskíj og Oleg Pulatov auk Úkraínumannsins Leonid Kharchenko. Þrír voru dæmdir í lífstíðarfangelsi í dag en Pulatov var sýknaður.
Árásin ekki óhapp
Vélin var á leið yfir hérað sem var í miðju átaka milli aðskilnaðarsinna og úkraínskra hersveita í júlí árið 2014, þegar hún var skotin niður.
Samkvæmt niðurstöðu dómstólsins var rússneskt BUK Telar-flugskeyti notað til að granda flugvélinni og voru aðskilnaðarsinnarnir þrír undir stjórn Moskvu þegar að árásin var gerð.
Taldi dómurinn árásina hafa verið vísvitandi gerða en sakborningarnir hafi líklega staðið í trú um að þeir væru að skjóta niður úkraínska herflugvél.
Barn lést í árásinni
Forstjóri bendir á ábyrgð birgja vegna verðhækkana
Alvarleg netárás á Wise
Skattamál verði líklega „þeirra mesta klemma“
Ók á hóp fólks á jólamarkaði: Einn látinn
Lát hjóna í Neskaupstað: Ákæra gefin út
