Samtök afganskra kvenna hafa hvatt ráðherra frá Pakistan, sem heimsótti Kabúl, höfuðborg Afganistans í morgun, til að gleyma ekki þjáningum kvenna í landinu.

Hina Rabbani Khar, sem varð fyrsti kvenkyns ráðherra Pakistans árið 2011, er núna utanríkisráðherra landsins. Nokkrar vikur eru liðnar síðan talíbanar, sem fara með völd í Afganistan, bönnuðu konum í landinu að fara í almenningsgarða, á skemmtanir, í líkamsræktarstöðvar og almenningsböð.

Frétt af mbl.is

Meina konum aðgang að líkamsræktarstöðvum

Á föstudaginn sagði mannréttindafulltrúi Sameinuðu þjóðanna í Afganistan að þessar nýjustu reglur talíbana sem er beint gegn konum og börnum gætu jafngilt „glæpum gegn mannkyninu“.

Óska eftir aðstoð

„Þú ert dæmi um þá stöðu sem konur njóta í nágrannalandi okkar,“ sagði í yfirlýsingu frá afgönsku kvennasamtökunum, sem eru fulltrúar ýmissa baráttuhópa fyrir auknum mannréttindum.

„Við vonum að þú notir heimsókn þína, ekki bara sem ráðherra heldur kona og sem múslímskur kvenleiðtogi til að styðja konurnar í Afganistan og efla samstöðu okkar.“

Samband Pakistans og talíbana er flókið. Stjórnvöld í Pakistan hafa lengi verið sökuð um að styðja strangtrúaða íslamista í Afganistan, jafnvel þótt þeir hafi stutt innrás undir stjórn Bandaríkjanna í Afganistan sem steypti þeim af stóli eftir árásirnar á Bandaríkin 11. september 2001.

Meira en milljón afganskra flóttamanna býr í Pakistan og átök hafa oft og á tíðum orðið á landamærum ríkjanna beggja.

Tengdar fréttir

Talíbanar í Afganistan

Íkorni með meiri réttindi en afgönsk stúlka

• Biden gagnrýndur í skýrslu repúblikana
• Vandræði Afganistan: ISIS-K, landamæri og yfirráð
• „Hún á sér ekkert líf“
• Þjóðþekktur hermaður tapaði meiðyrðamáli

» Fleiri tengdar fréttir

• Blogga um frétt