1.400 milljarðar í hernaðaraðstoð til Taívan
Setja bókamerki
Fulltrúadeild Bandaríkjaþings hefur samþykkt frumvarp um varnarmál sem meðal annars veitir 10 milljarða Bandaríkjadala, eða rúma 1.400 milljarða króna, í hernaðaraðstoð til Taívan. Einnig á að flýta vopnasölu til landsins.
Öldungadeild Bandaríkjaþings þarf að samþykkja frumvarpið og Joe Biden Bandaríkjaforseti að undirrita til að það verði að lögum. Ef það gerist fær Taívan aðstoð upp á tvo milljarða Bandaríkjadala á ári frá 2023 til 2027.
Einnig fær Biden með frumvarpinu leyfi til að útvega Taívan hluta af vopnabirgðum Bandaríkjanna fyrir allt að einn milljarð Bandaríkjadala á ári, ásamt annarri þjónustu, þar á meðal heræfingum.
Að sögn öldungadeildarþingmannsins Bob Menendez munu lögin, ef þau verða samþykkt, „efla varnarsamband Bandaríkjanna og Taívan verulega.“
Mao Ning, talsmaður kínverska utanríkisráðuneytisins, sagði Kínverja vera afar mótfallna frumvarpinu. Þeir segja Taívan vera hluta af sínu landsvæði og hefur Xi Jinping, forseti Kína, heitið því að það muni sameinast Kína á nýjan leik.
Maskína: Framsókn í fallbaráttu
Yfir 300 stæði fóru undir hraun
Litlar líkur á að hraunið nái til mannvirkja
Drónamyndskeið frá hápunkti gossins í nótt
Fullvissa ferðamenn um að hér sé öruggt
Mæðgur dæmdar til að greiða 64 milljónir
Myndir: Grindavíkurvegur aftur undir hraun