Leggja til að Trump verði ákærður í 3 liðum
Setja bókamerki
Tengdar fréttir
Forsetakosningar í Bandaríkjunum 2012
Sérstök rannsóknarnefnd bandaríska þingsins mun mæla með því að Donald Trump, fyrrverandi forseti Bandaríkjanna, verði ákærður í þremur liðum fyrir sinn þátt í árásinni á þinghúsið sem átti sér stað þann 6. janúar 2021.
Rannsóknarnefndin mun sækjast eftir því að Trump verði sakfelldur fyrir valdarán, en slík ákæra hefur aldrei áður verið gefin út í Bandaríkjunum, að því er fram kemur í frétt BBC.
Þá verður einnig mælt með því að hann sæti ákæru fyrir það að raska þingfriði og fyrir skipulagningu föðurlandssvika.
Átta blaðsíður og yfir þúsund vitni
Búist er við því að nefndin skili af sér skýrslunni í næstu viku, en síðasti fundur nefndarinnar verður á mánudag.
Ákæruvaldið hefur nú þegar til rannsóknar aðkomu Trump í málinu, en er ekki bundið af áliti rannsóknarnefndarinnar um það hvernig ákæru verður háttað.
Trump neitar enn allri sök, en stuðningsmenn hans réðust inn í þinghúsið í Washington í janúar í fyrra með alvarlegum afleiðingum.
Skýrsla nefndarinnar telur átta blaðsíður og verður hún ákæruvaldinu í næstu viku. Nefndin, sem er skipuð níu fulltrúum úr fulltrúadeild þingsins, hefur nú lokið við að hlýða á fleiri en þúsund vitni, vegna málsins.
Ákærutillögurnar eru á því byggðar að Trump hafi dreift og boðað rangar upplýsingar gegn betri vitund, í kjölfar þess að Joe Biden hafði betur í forsetakosningunum gegn Trump. Með því að kynda undir árásina hafi hann gert lokaatlögu að því að halda völdum.
Tengdar fréttir
Forsetakosningar í Bandaríkjunum 2012
Sáu eldgosið brjótast út frá Snæfellsnesi
Erlendir miðlar greina frá tíunda gosinu
Myndir: Grindavíkurvegur aftur undir hraun
Búseta skortir byggingarlóðir
Tekist á um áður óþekkta skýrslu landlæknis
Heitt vatn fannst sem gæti annað 10 þúsund manns
Hraunið náð Njarðvíkuræð: Fylgjast með raflínu