Rússneskar hersveitir skutu niður úkraínskan dróna sem nálgaðist flugherstöð í suðurhluta Rússlands.

Þrír rússneskir tæknimenn á stöðinni létu lífið í kjölfarið, eftir að hafa orðið fyrir braki úr drónanu. Rússneskir miðlar greindu frá þessu. 

Um er að ræða aðra árásina á Engels herstöðina í desember, en flugstöðin er ein helsta bækistöð rússneskra sprengjuflugvéla. Úkraínumenn voru sakaðir um að bera ábyrgð á sambærilegri árás á þessa sömu stöð þann 5. desember, en úkraínsk yfirvöld hafa ekki enn tjáð sig um það.

Stöðin er staðsett í suðurhluta Saratovs héraðs, sem er í um 600 kílómetra fjarlægð frá landamærum Rússlands við Úkraínu. 

Að sögn ríkisstjóra á svæðinu var aldrei um að ræða ógn við íbúa og engin innviði hlutu skaða af. 

Tengdar fréttir

Úkraína

Fimmtán ára fangelsi fyrir að aðstoða Rússa

• Loka fyrir gasflutning frá Rússlandi
• Fyrsti símafundur Þorgerðar sem ráðherra
• Ein stærstu fangaskipti innrásarstríðsins
• Tilkynnti veglegan styrk til Úkraínu

» Fleiri tengdar fréttir

• Blogga um frétt