Vladimír Pútín Rússlandsforseti gaf átta leiðtogum fyrrverandi aðildarríkja Sovétríkjanna gullhringi. Gjafirnar hafa leitt af sér ýmsa brandara vegna tilvísana í Hringadróttinssögu J.R.R. Tolkien.

Í skáldsagnaþríleiknum lætur hinn illi og valdagráðugi Sauron smíða galdrahringi, sem hann útbýtti meðal annars á milli níu konunga til þess að ná valdi yfir þeim. Sauron hélt Hringnum eina fyrir sjálfan sig, en Pútín hélt einum gullhring fyrir sig. 

Illmennið Sauron í Hringadróttinssögu. Ljósmynd/Wikipedia.org

Leiðtogar ríkjanna voru saman á ráðstefnu í Sankti Pétursborg í Rússlandi en eftir hana afhenti Pútín þeim hringana. Í þá var grafið merki Samveldis sjálfstæðra ríkja (SSR), nýárskveðja og orðið Rússland. 

Einungis náðist mynd af Alexander Lúkasjenkó, leiðtoga Hvíta-Rússlands, með hringinn. 

Alexander Lúkasjenkó, leiðtogi Hvíta-Rússlands, og Pútín. AFP/Alexey Danichev/Sputnik

Telur tilvísunina vera viljandi

Stjórnmálafræðingurinn Ekaterina Schulmann telur að tilvísunin í bækur Tolkein sé viljandi.

Eftir að innrás Rússa í Úkraínu hófst í febrúar hafa úkraínsk stjórnvöld líkt Rússlandi við Mordor, sem voru heimkynni Sauron í verkum Tolkien, og rússneskum hermönnum við orka, sem voru þrælar Sauron. 

Dmitrí Peskov, talsmaður rússneskra stjórnvalda, sagði það vera óþarfa að lesa of mikið í gjafirnar. 

„Þetta er bara minjagripur um nýtt ár, það er ekkert sérstakt við hann,“ sagði hann og bætti við að Pútín myndi ekki klæðast hringnum sínum.  

Tengdar fréttir

Úkraína

Vinaþjóðir Úkraínu kyndi undir „sálfræðihernað“ Rússa

• Fordæma ákvörðun um jarðsprengjur
• „Hlægilegar“ ásakanir um skemmdarverk
• Bandaríska sendiráðið í Kænugarði varar við árás
• Án fordæma á lýðveldistímanum

» Fleiri tengdar fréttir

Vladimír Pútín

Segja Pútín reiðubúinn í vopnahlé

• Pútín mun ekki hitta Biden á Balí
• Undanþágur í Rússlandi vegna herkvaðningar
• Pútín „blygðunarlaust“ brotið gegn sáttmála SÞ
• Sýnir fram á örvæntingu Pútíns

» Fleiri tengdar fréttir

• Blogga um frétt