Aung San Suu Kyi, nóbelsverðlaunahafi og fyrrverandi leiðtogi Mjanmar, hefur verið dæmd í sjö ára fangelsi. Þar með hefur hún samtals verið dæmd í þriggja áratuga fangelsi.

Frétt af mbl.is

Í þriggja ára fangelsi fyrir kosningasvindl

Síðan herinn í Mjanmar hrifsaði til sín völdin í fyrra, hefur Suu Kyi, sem er 77 ára, hlotið ýmsa dóma, þar á meðal fyrir spillingu og brot á sóttvarnareglum.

Hún hlaut í morgun sjö ára dóm eftir að hafa verið fundin sek í fimm ákæruliðum fyrir spillingu í máli sem tengist þyrlukaupum fyrir ráðherra.

Stuðningsmenn Suu Kyi kröfðust lausnar hennar í fyrra. AFP

Samtals hefur Suu Kyi verið dæmd í 33 ára fangelsi í réttarhöldum sem hafa staðið yfir undanfarna 18 mánuði. Ýmis mannréttindasamtök segja réttarhöldin vera tilbúning.

Að sögn heimildarmanns AFP-fréttastofunnar er málarekstri gegn henni nú lokið og engar frekari ákærur á leiðinni.

Tengdar fréttir

Valdarán í Mjanmar

H&M hættir starfsemi í Mjanmar

• Pólitískir fangar voru 300
• Sjö þúsund fangar náðaðir í tilefni afmælis
• Í þriggja ára fangelsi fyrir kosningasvindl
• Suu Kyi á yfir höfði sér fjölda ára í fangelsi

» Fleiri tengdar fréttir

• Blogga um frétt