Patríarkinn kallar eftir vopnahléi
Setja bókamerki
Andlegur leiðtogi Rússlands, patríarkinn Kirill, hefur kallað eftir vopnahléi í Úkraínu á meðan rússneska rétttrúnaðarkirkjan fagnar jólunum í þessari viku.
Kirill, sem er 76 ára, er mikill stuðningsmaður Vladimírs Pútíns Rússlandsforseta og innrásar hans í Úkraínu. Hann hefur veitt rússneskum hermönnum í Úkraínu blessun sína og í predikunum sínum hefur hann gagnrýnt Vesturlönd og úkraínsk stjórnvöld á meðan á stríðinu hefur staðið.
Á vefsíðu kirkjunnar hvatti Kirill alla þá sem tengjast stríðinu til að efna til vopnahlés frá klukkan 12 hinn 6. janúar til miðnættis daginn eftir.
Dregið hefur úr áhrifum
Áhrif rússnesku rétttrúnaðarkirkjunnar hafa minnkað umtalsvert í Úkraínu síðan Rússar innlimuðu Krímskaga og bardagar hófust í austurhluta Úkraínu árið 2014. Árið 2019 sleit hluti úkraínsku rétttrúnaðarkirkjunnar tengslum við Rússana eftir að þeir höfðu ráðið þar yfir andlegum málefnum í margar aldir.
Ákvörðun Rússa um að senda hersveitir inn í Úkraínu í febrúar í fyrra varð til þess að margir prestar sem höfðu haldið áfram tryggð sinni við Kirill sneru baki sínu við rússnesku kirkjunni.
Viðreisn í mikilli sókn
Ingibjörg skiptir um skoðun á ummælum Þórðar
„Þetta er algerlega hans ákvörðun“
„Mér var haldið sofandi í níu sólarhringa“
Unnu eftir kröfugerð sem lögð var fram í upphafi
Varð að gefa dálítið af sjálfum mér
Allt frá nokkrum tímum upp í viku í nýrri miðstöð