Kjörinn forseti fulltrúadeildar í 15. tilraun

Kevin McCarthy, þingflokksformaður repúblikana, var loks kjörinn forseti fulltrúadeildar Bandaríkjaþings í nótt. Það þurfti fimmtán atkvæðagreiðslur til, þrátt fyrir að flokkurinn sé með meirihluti á þinginu, en innanflokkserjur gerðu atkvæðagreiðslurnar erfiðar. BBC greinir frá.

McCarthy var í framboði til forseta frá því fyrst var kosið í byrjun vikunnar en háði öfluga kosningabaráttu sem skilaði honum að lokum 216 atkvæðum sem dugði til þar sem nokkrir flokksfélagar hans skráðu sig fjarverandi.

Frétt af mbl.is

Náði ekki kjöri í 12. og 13. umferð

Á tímabili lá við að til slagsmála kæmi eftir fjórtándu umferðina á milli Mike Rogers, sem var harður stuðningsmaður Mcarthy, og Matt Getz. Samið hafði verið um að sá síðarnefndi myndi skrá sig fjarverandi en á síðustu stundu meldaði hann sig viðstaddan í þingsalinn.

McCarthy skrifaði færslu á Twitter eftir kjörið þar sem hann sagðist vona að málið væri skýrt eftir þessa viku. „Ég gefst aldrei upp. Og ég gefst aldrei upp fyrir ykkur, bandaríska þjóð.“

• Blogga um frétt