Grunnskóla í Virginíu í Bandaríkjunum, þar sem sex ára drengur skaut kennara sinn með skammbyssu á föstudag, verður lokað alla vikuna. Í yfirlýsingu frá skólanum, Richneck Elementary School, segir að gefa eigi fjölskyldum tíma til að jafna sig. BBC greinir frá.

Frétt af mbl.is

Sex ára nemandi skaut kennara sinn

Kennarinn, hin 25 ára Abby Zwerner, særðist alvarlega en ástand hennar er nú stöðugt. Ekki liggur fyrir hvernig drengurinn komst yfir skammbyssuna, en í skólanum er málmleitarhlið þar sem nemendur eru skimaðir af handahófi, en ekki hver og einn.

Frétt af mbl.is

Kennarinn á batavegi eftir skotárás nemanda

Lögreglan hefur ekki greint nákvæmlega frá aðdraganda árásinnar en þó hefur komið fram að drengnum, sem er í fyrsta bekk, og kennaranum hafi sinnast eitthvað og hann dregið upp byssuna í kjölfarið og skotið.

Þá hefur lögreglan gefið út að ekki hafi verið um slys að ræða heldur ásetning.

Tengdar fréttir

Sex ára barn skaut kennara sinn

Kennarinn sem var skotinn kærir skólann

• Leituðu á drengnum áður en hann skaut kennara sinn
• Skaut kennarann með byssu móður sinnar
• Kennarinn á batavegi eftir skotárás nemanda
• Sex ára nemandi skaut kennara sinn

» Fleiri tengdar fréttir

• Blogga um frétt