Bretar útvega Úkraínumönnum skriðdreka
Setja bókamerki
Bretar hafa ákveðið að útvega Úkraínumönnum skriðdreka til að nota í bardögum við Rússa. Rishi Sunak, forsætisráðherra Bretlands, greindi frá þessu.
Sunak hét því að láta Úkraínu hafa skriðdreka af tegundinni Challenger 2, ásamt öðrum vopnum til merkis um „metnað [Bretlands] til að auka stuðning okkar við Úkraínu“, sagði Sunak er hann ræddi við Volodimír Selenskí, forseta Úkraínu, í síma.
Bretar eru þar með fyrsta vestræna ríkið til að útvega Úkraínumönnum svona öfluga skriðdreka. Frakkar höfðu áður lýst því yfir að þeir ætluðu að láta Úkraínu fá léttari tegund skriðdreka af tegundinni AMX 10 RC.
Selenskí fagnaði ákvörðun Breta og sagði hana „senda út rétt skilaboð“, auk þess sem hersveitir hans muni eflast. Stjórnvöld í Kænugarði, höfuðborg Úkraínu, hafa undanfarið sett þrýsting á Vesturlönd um að útvega þeim fleiri vopn.
Auka aðgengi að Grindavík
Hvatti kjósendur til þess að greiða ógild atkvæði
Börnin eiga að ýta við foreldrum sínum
Rannsókn á menningarnæturmáli lokið
Ákærður fyrir stunguárás á menningarnótt
Formaðurinn útilokar ekki undirritun í kvöld
Dæla, kæla og verja mikilvæg mannvirki
Vonir bundnar við morgundaginn