Engar líkur á því að finna nokkurn á lífi

Viðbragðsaðilar í Nepal héldu í morgun áfram leit sinni í braki flugvélar sem hrapaði með 72 manneskjur um borð í gærmorgun. Ekki er búist við því að neinn finnist á lífi úr því sem komið er, en 68 lík hafa fundist. Búið er að finna flugrita vélarinnar.

Frétt af mbl.is

Að minnsta kosti 67 fundist látnir

Flugvél Yeti Airlines, ATR, hrapaði ofan í gljúfur og við það kviknaði í henni er hún nálgaðist borgina Pokhara. Þetta er mannskæðasta flugslys Nepals frá árinu 1992, eða í um 30 ár.

Í mynd­skeiðum á sam­fé­lags­miðlum sést þegar vél­in flýg­ur yfir íbúðabyggð og snýst skyndi­lega á hliðina.

Frétt af mbl.is

Að minnsta kosti 40 fundist látnir

Hermenn notuðu reipi og sjúkrabörur til að ná líkum úr gljúfrinu, sem er 300 metra djúpt, langt fram á nótt.

AFP

„Við höfum fundið 68 lík til þessa. Við erum að leita að fjórum líkum til viðbótar. Við viljum halda áfram þangað til við náum í líkin,“ sagði embættismaðurinn Tek Bahadur KC.

„Við vonumst eftir kraftaverki en því miður eru engar líkur á því að finna nokkurn á lífi,“ bætti hann við.

Flugöryggi hefur ekki þótt nægilega mikið í Nepal í gegnum tíðina, en í dag er þjóðarsorg í landinu vegna slyssins.

AFP

• Blogga um frétt