„Engin slys á tímum stríðsátaka“
Setja bókamerki
Harmleikurinn sem átti sér stað í Brovarí í Úkraínu í dag, þegar að úkraínsk þyrla hrapaði til jarðar, er afleiðing stríðsátaka, að sögn Volodimírs Selenskís, forseta Úkraínu.
Þetta kom fram í máli hans er hann ávarpaði árlegan fund Alþjóðaefnahagsráðsins í Davos í Sviss fyrr í dag. BBC greinir frá.
Fjórtán létust í slysinu og 22 voru fluttir til aðhlynningar á sjúkrahús, þar af 10 börn. Þyrlan var á leiðinni í átt að svæðum í austurhluta landsins þar sem átök geisa milli úkraínskra og rússneskra hersveita.
Engar vísbendingar um að Rússar beri ábyrgð
Enn hefur ekkert komið fram sem bendir til þess að Rússar hafi átt þátt í atvikinu og er það álitið vera slys.
Úkraínsku öryggissveitirnar útiloka þó ekki þann möguleika að einhver hafi átt við búnað þyrlunnar sem leiddi til þess að hún hrapaði. Þá er einnig talið að tæknilegir örðugleikar eða brot á flugreglum gætu hafa ollið slysinu en það er nú til rannsóknar.
Þegar Selenskí ávarpaði Alþjóðaefnahagsráðið fyrr í dag sagði hann að það væru „engin slys á tímum stríðsátaka.“
Brotlenti við leikskóla
Þyrlan brotlenti við hlið leikskóla og íbúðarhúss í Brovarí um klukkan hálfátta í morgun að staðartíma.
Fjórtán fórust í slysinu, þar á meðal barn og háttsettir úkraínskir embættismenn sem voru um borð í þyrlunni. Denis Mónastirskí innanríkisráðherra var einn þeirra.
„Tilgangurinn með þyrlufluginu var að sinna starfi á einu af heitu svæðunum í landinu þar sem bardagar eru í fullum gangi. Innanríkisráðherrann var á leiðinni þangað,“ sagði aðstoðaryfirmaður úkraínsku forsetaskrifstofunnar, Kiríló Tímósjenkó, í sjónvarpsviðtali fyrr í dag.
Þýsk stjórnvöld hafa boðið fram aðstoð við rannsókn á slysinu.
Fuglager í Grindavík: „Þetta var bara pínu magnað“
Hellisheiði og Þrengsli ekki opnuð í dag
KEF Spa: „Eitthvað sem þú hefur ekki séð áður“
38 létust í flugslysi
Býst við meiri aðsókn í janúar
Éljagangur en síðan slydda eða rigning
Búið að opna Hellisheiði
Taka upp grímuskyldu á Landspítalanum