Innanríkisráðherra Úkraínu og 15 aðrir fórust
Setja bókamerki
Þyrla hrapaði til jarðar skammt frá leikskóla í útjaðri Kænugarðs, höfuðborgar Úkraínu. Einhverjir fórust í slysinu, að sögn embættismanns.
„Í borginni Brovarí hrapaði þyrla skammt frá leikskóla og íbúðabyggingu,“ sagði Oleksí Kúleba, yfirmaður héraðsstjórnar í Kænugarði, á Telegram.
Hann bætti við að „börn og starfsmenn voru í leikskólanum.....fórnarlömb hafa verið staðfest.“
Uppfært kl. 8.18:
16 fórust í slysinu, þar á meðal tvö börn, að sögn lögreglunnar.
Lögreglan bætti við að þó nokkrir háttsettir embættismenn hefðu farist í slysinu, þar á meðal innanríkisráðherrann Denis Mónastirskí.
Mónastirskí, 42 ára tveggja barna faðir, var skipaður innanríkisráðherra árið 2021.
22 voru fluttir á sjúkrahús vegna slyssins, þar á meðal tíu börn.
Hersveitir Rússlands og Úkraínu börðust um yfirráðin yfir Brovarí fljótlega eftir innrás Rússa, eða þangað til Rússar drógu sig þaðan í burtu í apríl í fyrra.
Ingibjörg skiptir um skoðun á ummælum Þórðar
Greiningarmiðstöð hluti af 13 landamæraaðgerðum
Mjög dýrt að tryggja landamærin
Síminn stoppar ekki hjá Árekstur.is
Umræðan var óþægileg fyrir Þórð og flokkinn allan
Viðreisn krefst aðildarviðræðna við ESB
