Komið er að ögurstundu á stjórnmálaferli Emmanuels Macrons, forseta Frakklands, þar sem reynir á tillögur hans að endurskipulagningu eftirlaunakerfis landsins. Fjöldamótmæli hafa verið skipulögð af verkalýðsfélögum gegn fyrirhuguðum breytingum. 

Frétt af mbl.is

Hækka eftirlaunaaldur úr 62 ára í 64 ára

Frumvarpið tekur meðal annars til hækkunar eftirlaunaaldurs úr 62 árum í 64 ár. 

Samgöngur í lamasessi 

Samgöngur hafa verið settar úr skorðum víða um land og skólum lokað í mótmælaskyni. Á Orly-flugvellinum í París hefur fimmta hverju flugi verið aflýst. 

Neðanjarðarlestakerfi Parísar er í lamasessi þar sem aðeins tvær línur eru í fullri virkni. 

Fjölmenn mótmæli á götum úti, þar búist er við tugum þúsunda, hafa verið skipulögð í París sem og öðrum borgum. Lögreglulið skipuleggur nú vaktir þar sem allt eins er búist við að gripið verði til ofbeldis.

Í frumvarpinu eldfima og umdeilda, sem kynnt var í síðustu viku, er gert ráð fyrir að frá og með árinu 2027 þurfi fólk að vinna í 43 ár til þess að eiga rétt á fullum eftirlaunum. Í dag er viðmiðið 42 ár.

Tengdar fréttir

Hækkun eftirlaunaaldurs í Frakklandi

Greiða ekki atkvæði um eftirlaunin

• Um 300 hand­teknir og fleiri en 100 slasast
• Myndband: Átök mótmælenda og lögreglu í Frakklandi
• Colbert á heima í ruslahrúgunni
• Fækkar í hópi mótmælenda

» Fleiri tengdar fréttir

• Blogga um frétt