Rússnesk stjórnvöld hafa ákveðið að vísa sendiherra Eistlands úr landi og saka eistnesk stjórnvöld um „algjöra Rússlandsfælni“.
Einnig hafa Rússar dregið úr mikilvægi diplómatískra samskipta sinna við Eistland.
„Sendiherra Eistlands verður að yfirgefa Rússland 7. febrúar,“ sagði í yfirlýsingu rússneska utanríkisráðuneytisins.
Ákvörðunin var tekin eftir að Eistlendingar fækkuðu starfsfólki sínu í sendiráði Rússa í Tallinn, höfuðborg Eistlands, sagði einnig í yfirlýsingunni.