Karlmaður á sjötugsaldri skaut sjö til bana og særði einn áður en hann var handtekinn í bandaríska ríkinu Kaliforníu í gær, aðeins tveimur dögum eftir að önnur skotárás var gerð í ríkinu þar sem ellefu voru drepnir á skemmtistað.
Maðurinn starfar á búgarði og þeir sem hann skaut til bana voru samstarfsmenn hans.
Seven people were shot dead in Northern California last night in the second mass shooting to rock the state in 48 hours https://t.co/dDapEZXbcy
— The Times and The Sunday Times (@thetimes) January 24, 2023
Árásin í gær var gerð á tveimur stöðum í hafnarborginni Half Moon Bay, um 50 kílómetrum suður af borginni San Francisco. Annars vegar á sveppabúgarði og hins vegar hjá vöruflutningafyrirtæki í nágrenninu.
Seven people were killed and another victim was seriously wounded in shootings at two locations in the city of Half Moon Bay, California, officials said on Monday night. The suspect is in custody, the San Mateo Sheriff's Office said. https://t.co/CT3xIqYuN2
— CBS News (@CBSNews) January 24, 2023
Árásarmaðurinn, hinn 67 ára Chunli Zhao, er í haldi lögreglunnar. Fréttamenn náðu myndum af því þegar hann gaf sig fram við lögregluna um tveimur klukkustundum eftir árásirnar.