Meta, móðurfyrirtæki Facebook og Instagram, hefur boðið Donald Trump fyrrverandi Bandaríkjaforseta að endurheimta aðganga sína á báðum miðlum. Þó munu nýjar reglur gilda um aðganga forsetans fyrrverandi.
„Við munum leyfa Trump að endurheimta aðganga sína á komandi vikum,“ er haft eftir Nick Clegg, yfirmanni utanríkismála hjá Meta í fréttatilkynningu fyrirtækisins. Bætti hann við að í kjölfar þessa yrðu settar nýjar reglur til þess að koma í veg fyrir endurtekin brot á skilmálum fyrirtækisins.
Bann Trumps frá miðlum Meta var til tveggja ára og átti upphaflega að gilda til 7. janúar 2023.
Trump var hent út af samfélagsmiðlinum daginn eftir árásina á þinghús Bandaríkjanna, eftir forsetakosningarnar þar í landi, þann 6. nóvember 2021. Í kjölfarið stofnaði fjölmiðlafyrirtæki Trumps nýjan samfélagsmiðil, Truth Social.
Trump hefur þrýst á stjórnendur Facebook í því skyni að endurheimta aðgang sinn á miðlinum en hann undirbýr nú nýtt forsetaframboð.