Frönsk yfirvöld ætla að senda Úkraínumönnum tólf Ceasar-há­byss­ur til viðbótar við þær 18 sem Frakkar hafa nú þegar sent til landsins. 

Sebastien Lecornu, varnarmálaráðherra Frakklands, tilkynnti þetta á blaðamannafundi með Oleksí Resní­kov, varnarmálaráðherra Úkraínu, í París í dag. 

Lecornu sagði að fjármagnið fyrir sendinguna kæmi úr 200 milljóna evra sjóði sem Frakkar settu upp fyrir sendingar hergagna til Kænugarðs. 

Hábyssurnar voru búnar til á síðasta ári vegna innrásarinnar í Úkraínu en skotfæri þeirra er allt að 40 kílómetrar. 

Hábyssurnar tólf munu berast Úkraínumönnum á næstu vikum, en fyrr í mánuðinum tilkynntu Danir að þeir ætluðu að senda 19 hábyssur af sömu gerð til landsins. 

Frétt af mbl.is

Danir senda Úkraínumönnum hábyssur

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt