Tugþúsundir mótmæltu afnámi kóngsbænadags
Setja bókamerki
Tugþúsundir Dana mótmæltu í dag áætlunum ríkisstjórnarinnar að afnema niður kóngsbænadag, eða Store bededag, sem verið hefur almennur frídagur í landinu allar götur síðan 1686 og er fjórði föstudagur eftir páska.
„Þetta er algjörlega ósanngjörn tillaga,“ sagði Lizette Risgaard, formaður launþegasamtakanna Fagbevægelsens Hovedorganisation, sem skipulagði mótmælin.
Áætlað er að á milli 40 og 50 þúsund mótmælendur komu saman fyrir utan þingið í Kaupmannahöfn. Um 70 rútur voru fengnar til þess að ferja mótmælendur alls staðar af landinu til höfuðborgarinnar.
Ætlunin er að kóngsbænadagur verði á ný almennur vinnudagur. Við þetta aukist skatttekjur ríkissjóðs um 3,2 milljarða danskra króna, jafnvirði tæplega 66,5 milljarða íslenskra, og þeir fjármunir skulu samkvæmt ríkisstjórn landsins ganga í sjóð varnarmála.
Risgaard sagði við AFP-fréttaveituna að ákvörðunin væri „gegn danskri fyrirmynd“. Þá spurði hún hvort að ríkisstjórnin ætli í framhaldinu að afnema sunnudag sem frídag ef ríkissjóð vantar pening.
Mótmælandinn Kurt Frederiksen sagði að peningar sem renna til stríðsrekstur munu aldrei leiða til friðs.
Of mikil einföldun að skella skuldinni á geðrof
Milljarðatugir í ríkiskassann
Dómurinn lengdur í sjö ár úr þremur og hálfu
Stöðva hundruð þúsunda svikatilrauna
Ekki mormóni þó hugmyndafræðin sé stúderuð
Nýjar myndir sýna tjónið sem blasir við