Joe Biden Bandaríkjaforseti hvatti til samstöðu og fagnaði auknum hagvexti á meðal verkamannastéttarinnar í stefnuræðu sinni á Bandaríkjaþingi í nótt.
Demókratinn tjáði sig ekkert um hvort hann ætlar að sækjast eftir endurkjöri á næsta ári en þá verður hann orðinn áttræður. „Við skulum klára þessa vinnu,“ sagði hann einungis og átti þar við efnahagsmálin í þágu fjölskyldna í landinu. Hvatti hann þingið til að standa saman þegar kemur að umbótum.
Andstæðingar hans úr röðum repúblikana trufluðu hann umtalsvert á meðan á ræðunni stóð með framíköllum.
President Joe Biden’s State of the Union address drew mixed reactions from the lawmakers in the room.
— CNN Politics (@CNNPolitics) February 8, 2023
Here are some scenes from inside the House Chamber. https://t.co/4LAe0l00Uw pic.twitter.com/nO7yliB0r8
Ræðan stóð yfir í 72 mínútur og minntist Biden fyrst á stríðið í Úkraínu eftir tæpan klukkutíma þegar hann hét því að Bandaríkjamenn myndu styðja Úkraínumenn gegn Rússum „eins lengi og þörf krefur“.
Hann sagði einnig að bregðast þyrfti við Kínverjum í hvert skipti sem þeir „ógna fullveldi okkar“, en í síðustu viku skutu Bandaríkjamenn niður kínverskan loftbelg nærri strönd Suður-Karólínu.
Biden sagði að tveimur árum eftir að stuðningsmenn forvera hans í embætti forseta, Donalds Trumps, réðust inn í þinghús Bandaríkjanna stæði lýðræðið í Bandaríkjunum eftir styrkum fótum.
Á meðan á ræðunni stóð brosti Biden stundum og grínaðist en reiddist einnig. Hann lauk ræðu sinni, sem tugir milljóna Bandaríkjamanna fylgdust með í sjónvarpinu, með því að segja að sál þjóðarinnar væri sterk.
Foreldrar Tyre Nichols voru viðstaddir ræðuna á þinginu. Hann lést í byrjun janúar eftir áverka sem hann hlaut við handtöku. Fimm lögreglumenn hafa verið ákærðir fyrir að hafa drepið hann.
Joining us at the State of the Union are the parents of Tyre Nichols.
— President Biden (@POTUS) February 8, 2023
When I asked RowVaughn how she finds the courage to speak out, she shared her son “was a beautiful soul and something good will come from this.”
That's up to all of us. pic.twitter.com/HfPTbQMXpL