Rannsókn á máli MH17 hætt
Frá blaðamannfundi í hollensku borginni Haag í morgun vegna málsins.
AFP/Kenzo Tribouillard
Setja bókamerki
Alþjóðlegir rannsakendur hafa ákveðið að hætta rannsókn sinni á máli farþegaflugvélarinnar MH17 sem var grandað yfir Úkraínu árið 2014.
Ástæðan er sú að ekki eru næg sönnunargögn fyrir hendi til að sækja fleiri til saka.
„Rannsóknin er komin á endastöð. Allir angar málsins hafa verið rannsakaðir og þess vegna hefur rannsókninni verið hætt. Sönnunargögnin eru ekki næg til að hægt sé að sækja fleiri til saka,“ sagði hollenski saksóknarinn Digna van Boetzealer á blaðamannafundi.
Flugvélin sem um ræðir var á leið frá Hollandi til Malasíu þegar hún var skotin niður yfir Úkraínu með þeim afleiðingum að allir 298 um borð fórust.
Stormur á Þorláksmessu en víðast hvar stefnir í hvít jól
Ók á hóp fólks á jólamarkaði: Einn látinn
Ný ríkisstjórn kynnt á morgun
Var engin kristnitaka árið 1000?
Barn lést í árásinni
Skattamál verði líklega „þeirra mesta klemma“
„Börn heima sem maður myndi vilja hafa í skjóli“
