Móður og nýfæddu barni bjargað
Svissneskir viðbragðsaðilar að störfum í borginni Antakya í tyrkneska héraðinu Hatay.
AFP/Michael Fichter/FDFA
Setja bókamerki
Móður og nýfæddu barni hennar hefur verið bjargað úr húsarústum í Tyrklandi, um 90 klukkustundum eftir að fyrsti jarðskjálftinn gekk yfir landið og Sýrland á mánudaginn.
Tíu daga drengur að nafni Yagiz fannst í rústum byggingar í héraðinu Hatay í suðurhluta landsins, að sögn BBC.
AFP
Myndir hafa birst af því þegar barnið var flutt úr rústunum í nótt og lýsa fjölmiðlar þessu sem kraftaverki, enda fjórir dagar liðnir frá hamförunum og mikill kuldi að nóttu til.
Leit heldur áfram í rústum að eftirlifendum en vonir um að finna fólk á lífi minnka með hverri mínútunni.
Yagiz var fluttur á sjúkrahús þar sem hlúð verður að honum. Móðir hans var flutt á brott á sjúkrabörum. Engar frekari upplýsingar hafa borist um heilsu þeirra.
Prjónaði sokka á þann sem myrti hana
Styrkjamáli ekki lokið
„Þegar þessi ógeðslega harka var ekki“
Fátt nýtt í stefnuræðu Kristrúnar
Alfreð Erling tjáir sig ekki frekar í morðmáli
Úrskurðurinn gerði illt verra: Staðan „mjög döpur“