Maður sem ætlaði sér að stela barni á spítala í Samandag-hverfi í Hatay-héraði í Tyrklandi hefur verið handtekinn. Maðurinn þóttist vera lögreglustjóri á svæðinu til þess að framkvæma verknaðinn en var stöðvaður af spítalastarfsmönnum áður en honum tókst ætlunarverk sitt.

Greint er frá því að starfsfólk hafi séð að löggæsluskilríki hans væru fölsuð og kallað lögreglu á vettvang. Þegar maðurinn var handtekinn kom í ljós að hann hefði verðmæti í fórum sér sem voru virði 6.500 bandaríkjadala eða rúmlega 952 þúsund íslenskra króna. Um var að ræða gull, tyrkneska líru og evrur.

Jarðskjálfti sem var 7,8 að stærð gekk yfir Tyrkland og hluta Sýrlands þann 7. febrúar. Nærri 40 þúsund manns hafa látið lífið eftir skjálftann og eru milljónir manna nú á flótta í kjölfar skjálftans.

Talið er að 1.362 börn hafi orðið viðskila við fjölskyldur sínar í kjölfar skjálftans. Þá hafa foreldrar á svæðinu lýst áhyggjum sínum af möguleikanum á að börnum þeirra verði stolið.

Tengdar fréttir

Jarðskjálfti í Tyrklandi 2023

14.500 milljarða tjón

• Yfir 14.000 milljarða tjón
• Einn látinn og tugir slasaðir eftir skjálfta
• Yfir 180 handtökuskipanir vegna skjálftans
• 100 tonn af neyðarbirgðum til Tyrklands

» Fleiri tengdar fréttir

• Blogga um frétt