Aðgerðum einungis haldið áfram í tveimur héruðum
Setja bókamerki
Almannavarnir í Tyrklandi hafa fyrirskipað að leitar- og björgunaraðgerðum í landinu verði hætt að undanskildum tveimur héruðum. Enginn hefur fundist á lífi undir rústum síðastliðinn sólarhring.
„Í mörgum héruðum er leitar- og björgunaraðgerðum lokið. Aðgerðum verður haldið áfram í Kahramanmaras og Hatay-héruðum,“ sagði Yunus Sezer, yfirmaður almannavarna, við blaðamenn í Ankara, höfuðborg Tyrklands.
Jarðskjálfti upp á 7,8 reið yfir Tyrkland og Sýrland þann 6. febrúar. Fjöldi staðfestra dauðsfalla hefur nú náð 46 þúsundum, samkvæmt Aljazeera, en 44 þúsund samkvæmt fréttastofu AFP.
Flestir þeir Íslendingar sem fóru út á vegum utanríkisráðuneytisins til að aðstoða við björgunarstarfið eru nú komnir til landsins aftur.
Leita í grennd við 40 byggingar
Kahramanmaras-héraðið varð hvað verst úti í skjálftanum en eins og áður sagði verður aðgerðum haldið þar áfram.
Að sögn Sezer fara aðgerðir nú fram í grennd við 40 byggingar en hann gerði ráð fyrir því að sú tala myndi lækka eftir því sem líða tekur á daginn.
Fuat Oktay, varaforseti Tyrklands, sagði að um 105 þúsund byggingar hefðu hrunið til jarðar eða orðið fyrir verulegum skemmdum í skjálftanum.
Dómur þyngdur um þrjú ár
Þarf að koma til móts við ólíkar þarfir lækna
/frimg/1/53/8/1530849.jpg)
Fatlaður drengur fær ekki þjónustu í verkfalli
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Sólveig Anna furðar sig á aðferðum kennara
/frimg/1/53/7/1530787.jpg)
Flogið á milli ljósaskipta
Hópur fólks reyndi að komast að eldgosinu