Ákærður fyrir að leka ríkisleyndarmálum

Fyrrverandi varnarmálaráðherra Danmerkur, Claus Hjort Frederikssen, hefur verið ákærður fyrir að leka ríkisleyndarmálum.

Frederiksen, sem var ráðherra á árunum 2016 til 2019, greindi frá því á Facebook að hann hefði verið ákærður.

Frétt af mbl.is

Sakaður um að hafa ljóstrað upp ríkisleyndarmálum

Áður hafði danska saksóknaraembættið sagt að fyrrverandi þingmaður yrði ákærður fyrir að „gefa upp eða láta af hendi leyndarmál, mikilvæg þjóðaröryggi“.

Frederikssen skrifaði einnig á Facebook að hann hefði ekki misnotað tjáningarfrelsi sitt og að hann hefði ekki lekið meintum ríkisleyndarmálum.

Ráðherrann fyrrverandi var rannsakaður vegna málsins en naut friðhelgi sem þingmaður, þangað til í nóvember, þegar hann ákvað að sækjast ekki eftir endurkjöri í næstu þingkosningum.

Málið tengist því þegar rannsókn danskra fjölmiðla leiddi í ljós að bandaríska þjóðaröryggisstofnunin notaði danska sæstrengi til að njósna um embættismenn í Frakklandi, Þýskalandi, Noregi og Svíþjóð þangað til að minnsta kosti árið 2014.

• Blogga um frétt