Vladimír Pútín Rússlandsforseti sagði á fundi með utanríkisráðherra Kína í morgun að samstarf á milli rússneskra og kínverskra stjórnvalda væri mikilvægt til að „halda ástandi alþjóðamála stöðugu“.

Frétt af mbl.is

Embættismenn Kína og Rússlands funda

„Samstarfið á milli Kína og Rússlands á heimssviðinu er mjög mikilvægt til að halda ástandi alþjóðamála stöðugu,“ sagði Pútín á fundi með Wang Yi.

Kínverjar virðast vilja miðla málum á milli Rússa og Úkraínumanna. Búist er við því að Kínverjar ætli að kynna „pólitíska lausn“ sína vegna stríðsins í Úkraínu í þessari viku.

Pútín á fundinum í morgun. AFP/Anton Novoderezhkin

Kínversk stjórnvöld hafa reynt að koma fram sem hlutlaus aðili í deilunni, á sama tíma og þau eiga náin tengsl við samherja sinn, Rússland.

Bandaríkjamenn og NATO segjast aftur á móti hafa áhyggjur af því að Kínverjar ætli að senda vopn og skotfæri til að hjálpa Rússum í Úkraínu.

„Hvað Rússa varðar erum við tilbúin til að styrkja vinskap okkar og djúpstæða samvinnu,“ sagði Wang Yi við Pútín. Hann bætti þó við að samstarfinu á milli landanna tveggja væri „ekki beint gegn neinu öðru ríki og að ekki verði látið undan þrýstingi“.

Tengdar fréttir

Úkraína

25 hið minnsta særðir eftir árás á íbúðablokk

• Úkraína geti tapað stríðinu með skyndilausnum
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð

» Fleiri tengdar fréttir

• Blogga um frétt