Bæjarbúum gert að rýma heimili sín vegna eldsvoða

Eldur kviknaði í þremur timburhúsum í miðbæ Kragerø í Noregi í gærkvöldi, og stóðu þau í ljósum logum fram undir morgun.

Á áttunda tug slökkviliðsmanna voru kallaðir til og lengi var talin hætta á að eldurinn gæti breiðst út til nærliggjandi húsa. Þeirri hættu hefur nú verið afstýrt, þótt enn rjúki úr glóðunum, að því er fram kemur í frétt NRK. 

Hafast við í fjöldahjálparstöð

Bærinn Kragerø er í Vestfoldar og Þelamerkurfylki. Í bænum standa þétt, mörg sögufræg og vernduð hús og óttuðust margir örlög þeirra. 

Í bænum búa um 50 manns, og var þeim öllum gert að yfirgefa heimili sín. Sett var upp fjöldahjálparstöð í íþróttahúsi bæjarins þar sem flestir hafast við. 

Upptök eldsins er talið að megi rekja til elds sem kviknaði í verslun á jarðhæð friðaðrar byggingar. 

• Blogga um frétt