Frímerki með veggmynd af Vladimír Pútín Rússlandsforseta í júdóbúning hafa verið gefin út í Úkraínu, en myndin er eftir huldulistamanninn Banksy.

Frímerkin eru gefin út vegna þess að ár er liðið frá innrás Rússa í landið. Veggmyndin leit dagsins ljós í nóvember á síðasta ári og er á rústum húss sem hrundi í sprengjuárás rússneska hersins í bænum Borodíanka, nálægt höfuðborginni Kænugarði.

Langar biðraðir mynduðust í Kænugarði á föstudag þegar íbúar keyptu nýju frímerkin í pósthúsinu Holovposhtamt, að því er BBC greinir frá.

Verkið sýnir mann sem líkist Vladimír Pútín í júdóbúning þar sem hann er snúinn niður af ungum dreng. AFP/Sergei Supinsky

Forsetinn í júdóbúning

Verkið sýnir mann sem líkist Pútín í júdóbúning þar sem hann er snúinn niður af ungum dreng.

Ýmis listaverk eftir Banksy má finna á byggingum í þó nokkrum úkraínskum bæjum sem hafa orðið einna verst úti í stríðinu.

Bærinn Borodíanka var hernuminn af Rússum á fyrstu dögum stríðsins, en var endurheimtur af Úkraínumönnum í vor í fyrra.

Tengdar fréttir

Úkraína

Rússar og Úkraínumenn skiptast á hundruðum stríðsfanga

• Engin skemmdarverk voru unnin á sæstrengnum
• Úkraínskir hermenn teknir af lífi
• Norðurkóreskir hermenn kallaðir til baka frá víglínunni
• Mögulegar samningaviðræður en ekki við Selenskí

» Fleiri tengdar fréttir

• Blogga um frétt