Stöðvarstjórinn viðurkennir afdrifarík mistök

Lestarstöðvarstjóri sem var á vakt þegar mannskætt lestarslys átti sér stað nærri borginni Larissa í Grikklandi í gærmorgun, hefur viðurkennt ábyrgð sína vegna slyssins. Þetta staðfesti talsmaður ríkisstjórnarinnar við blaðamenn í morgun.

Stöðvarstjórinn var handtekinn strax í kjölfar slyssins og sakaður um manndráp og alvarlegar líkamsmeiðingar af gáleysi.

Hann neitaði í fyrstu sök og sagði slysið hafa orðið af tæknilegum ástæðum, en hefur nú gengist við ásökunum, viðurkennt að hafa verið kærulaus og gert afdrifarík mistök.

Frétt af mbl.is

Einn handtekinn og ráðherra segir af sér vegna slyssins

AFP/Sakis Mitrolidis

Stór hluti ungir námsmenn

Að minnsta kosti 46 létu lífið og fjölmargir slösuðust þegar farþegalest með um 350 farþega innanborðs og flutningalest skullu saman á lestarteinum. Fjórir fremstu vagnar farþegalestarinnar fóru út af sporinu við áreksturinn. Stór hluti farþeganna voru ungir námsmenn.

Frétt af mbl.is

Óeirðir brutust út vegna lestarslyssins

Samgönguráðherra landsins sagði af sér í kjölfar slyssins vegna ástands samgangna í landinu. Á sama tíma viðurkenndi hann að lestarkerfi landsins stæðist ekki kröfur 21. aldarinnar. Var það aðeins talið tímaspursmál hvenær svo alvarlegt lestarslys yrði.

• Blogga um frétt